“Тоонот” студийн уран бүтээлч Jason-г мэдэхгүй хүн үгүй. “Хавар та хоёрт хайртай”, “Marry me” гээд түүний дуунуудыг залуучууд андахгүй.
Jason нь түүний тайзны нэр бөгөөд жинхэнэ нэрийг Б.Баяржавхлан гэдэг. Жүжигчин мэргэжилтэй тэрээр сүүлийн үед кино, уран бүтээл хоёроо зэрэгцүүлэн авч явах болсон.
Тэрээр “Хиртээгүй сарнай”, “Учрал”, “Зэрлэг цэцэгсийн хүлэмж” кинонд тоглож байсан ба “Хүлэгү пикчерс”-ийн бүтээл “Хавтаст хэрэг” олон ангит кинонд мөрдөгч Мандахын дүр түүний жүжигчний ур чадварыг олонд таниулж найруулагч нарын хараанд өртсөн гэхэд хилсдэхгүй.
Тал бүрийн авъяаст реппер залуу саяхан “Амьдралын урт зам” УСК-нд гол дүр бүтээжээ.
