“Яг түүн шиг” шоу нэвтрүүлгийн залуу оролцогч гэдгээр олонд танигдсан дуучин Ч.Мишээл авьяас чадвар, хөөрхөн төрхөөрөө олны анхаарлыг татдаг.
Өдгөө монголжингоо төрхөөр өөрийнхөө имиджийг бүрдүүлэх болсон түүнийг папараци дурандаа онцолж байна.
Урлагийн гавьяат зүтгэлтэн Б.Чинбатын “One music” продакшны уран бүтээлч, “Никитон” хамтлагийн дуучин, “Sweetymotion” хамтлагийн дуучин Ц.Сарнайгийн гарын шавь гэдгээр танигдсан залуу дуучин Ч.Мишээлийн аав нь Чех, ээж нь монгол хүн.
Анх 2016 онд “My Voice” шоунд оролцож, олонд танигдаж байсан түүний тайзны нэр “Michelle” юм. Тэрбээр нэгэн нэвтрүүлэгт оролцох үеэрээ “Хүүхэд байхаасаа ганцаараа байхдаа дуулах дуртай байсан. Хүүхдийн “Найрамдал” төвийн Харшийн наадамд оролцсоноор өөрийгөө нээж эхэлсэн. Үүний дараа “My Voice”, Хүүхдийн ордны тайз гээд олон тайзан дээр гарснаас маш олон зүйлийг сурч авсан” хэмээжээ.
Тэр “My Voice”-ийн тайзнаа “Содура” киноны дуу, “Цэцэрлэгт учирсан хоёр”, “Урвахгүй”, “Төгс төгөлдөр” дууг дуулж, уянгалаг хоолойгоороо бусдаас онцгойрсноор шилдэг оролцогчдыг нэг болж байв.
