Яруу найрагч Ц.Хуланг гэм буруутай эсэхийг Сүхбаатар дүүргийн эрүүгийн хэргийн анхан шатны шүүх 2023 оны 07 дугаар сарын 20-ны өдрөөс эхлэн дөрвөн өдрийн турш хаалттайгаар хянан хэлэлцсэн. Улмаар “Монгол Улсын иргэн гадаад улсын тагнуулын албатай хамтран ажиллахаар тохиролцсон, хамтран ажилласан” гэмт хэрэгт гүйцэтгэгчээр хамтран оролцсон гэмт хэргийг үйлдсэн гэм буруутайд тооцож, 9 жил 6 сарын хугацаагаар хорих ялаар, мөн 159.753.220 төгрөгийг түүний хувьд ногдох хөрөнгө, орлогоос албадан гаргуулж, улсын төсөвт шилжүүлэхээр шийдвэрлэсэн билээ. Үүнтэй холбоотойгоор яруу найрагч Ц.Хулангийн хүү У.Равдан ээжийгээ цагаадна, тэр цагт хариугаа авна гэдгээ мэдэгдлээ. Түүний мэдэгдлийг бүрэн эхээр нь хүргэж байна.
Миний ээж Ц.Хулан эрт орой хэзээ нэгэн цагт цагаадах нь тодорхой
Яагаад гэвэл тэр ямар ч гэмт хэрэг хийгээгүй
Шударга шүүлгээгүй
Тэр газраас нэг минутын ч гэсэн өмнө гаргаж авмаар байна. Цагаадсан хойно нь бидэнд тэр нөхөн төлбөр хэрэггүй!
Бид нөхөн төлбөрөө өөрөөр авна шүү та нар тэрийг сайн тооцоорой.
Хүнийг гэр бүлээр нь хэлмэгдүүлж, тамлан зовоосны хариуг яг адилхан л авна.
Энэ бол шударга ёс.
Энэ хэлмэгдүүлэлтэд шууд болон шууд бусаар оролцож байгаа хэнийг нь ч хэн гэж үлдээхгүй шүү энийг хатуу анхааруулъя
Нэмээд хэлэхэд элдвийн худал цуурхал санаатай санаандгүй тарааж, барин тавин хэрэлдэж зүтгээд байгаа хүмүүс болиорой
Хардах эрх та нарт мэдээж байгаа!
Үзэл бодол, хувь хүн, шүлэг яруу найраг нь таалагддаггүй байж болноо гэхдээ тэглээ гээд хүнийг доромжилж, гүтгэж болохгүй шүү!
Юманд хэмжээ хязгаар байдаг шүү!
Ээжид маань мөн өөрийгөө өмгөөлөх, өмгөөлүүлэх, шударга шүүхээр шүүлгэх эрх бий
Эдгээр эрхийг нь эдлүүлмээр байна
Дараа нь шүүх шүүгчид нь хүртэл түгээгээд өгөөрэй хүмүүс ээ
Баярлалаа
