Сонгинохайрхан дүүргийн 11 дүгээр хорооны нутаг дэвсгэрт 2023 оны 10 дугаар сарын 03-ны өдөр 13 настай, “Г” оршин суух газраасаа алга болсон гэх дуудлага, мэдээллийн дагуу Цагдаагийн байгууллагаас эрэн сурвалжлах ажиллагаа зохион байгуулжээ.
Улмаар Сүхбаатар дүүргийн нутаг дэвсгэрээс өчигдөр 17:30 цагийн үед олж тогтоон, ар гэрт нь хүлээлгэн өгч, хүүхэд хамгааллын хариу үйлчилгээнд хамруулж, холбогдох ажиллагааг үргэлжлүүлж байна.
Иймд эцэг эх, асран хамгаалагч нар өсвөр насны хүүхдийн онцлог, нийгэм, сэтгэл зүйн хэрэгцээ, шаардлага, хүүхдэд тавих хараа хяналтаа сайжруулахыг цагдаагийн байгууллагаас зөвлөж байна.
