Бид өнгөрсөн долоо хоногт Өргөө амаржих газрын даргын үүргийг түр орлон гүйцэтгэгч Г.Баттулга өөрийн хүсэлтээр ажлаа өгөх өргөдлөө өгсөн талаар мэдээлсэн. Тэгвэл энэ долоо хоногт Өргөө амаржих газрын даргын үүргийг түр орлон гүйцэтгэгчийг томилжээ. Ингэснээр Өргөө амаржих газрын дарга хоёр жилийн хугацаанд зургаан даргын нүүр үзэж байна.
Тодруулбал, 2022 оны аравдугаар сарын 12-нд “Өргөө” амаржих газрын захирал Ж.Энхцэцэгийг ажлаас нь чөлөөлсөн. Үүнээс хойш Батболд, Алтантуяа, Баттулга, Наранцацралт, Г.Баттулга нар Өргөө амаржих газрын даргын үүргийг түр орлогчоор ажиллаж байв.
Өргөө амаржих газрын даргын үүргийг түр орлон гүйцэтгэгчээр тус амаржих газрын эмнэл зүй хариуцсан Н.Наранцацралт гэгч хавсран гүйцэтгэхээр болжээ.
Дарга нар ингэж олон солигдсноор эмнэлгийн удирдлага, зохион байгуулалт сул, санхүүгийн сахилга батгүй, төрийн хэмнэлтийн хуулийг хэрэгжүүлээгүй, алдаа зөрчил гарсаар байхад хариуцлага тооцоогүй зэргээс болж тус байгууллагад “гамшиг” нүүрлээд байгаа юм.
Үүнээс гадна Өргөө амаржих газарт 2023 онд хоёр эх, дөч гаруй нярай эндсэн. Энэ нь сүүлийн хэдэн жилд байгаагүй өндөр тоон үзүүлэлт. Тэгвэл ийм олон эх, нярай эндсэн асуудалд Өргөө амаржих газрын даргын үүргийг түр орлон гүйцэтгэгчээр томилогдсон тус амаржих газрын эмнэл зүй хариуцсан Н.Наранцацралт гэгч хариуцлага хүлээх хүмүүсийн нэг ч ийнхүү дарга болон дэвшиж байна.
Бид тус амаржих газарт өрнөж буй үйл явдлуудын талаар эргэж мэдээлсэээр байх болно.
А.Баярмаа
