Монгол Улсын Хөдөлмөрийн баатар, Ардын Уран зохиолч Б.Лхагвасүрэнгийн “Тамгагүй төр”” жүжгээс сэдэвлэсэн “Монгол хаан” нэртэй Монголын анхны график романы нээлт боллоо.
“Тамгагүй төр” жүжгийг 2022 онд “Hero” энтертайнментын ерөнхий найруулагч Б.Баатар физикл драм хэлбэрээр шинэчлэн найруулж олон улсад хүргэсэн билээ.
Тамгагүй төр нь 1998 онд Ардын уран зохиолч Б Лхагвасүрэнгийн бичсэн, 3 бүлэг 6 үзэгдэлтэй эмгэнэлт түүхэн жүжиг юм. 1998 онд Улсын драмын эрдмийн театрын тайзнаа тавигдаж байв. Найруулагч Ч.Найдандорж /МУСГЗ/ анх тайзнаа тавихад Арчуг хааны дүрийг ардын жүжигчин Л. Жамсранжав, Эгэрэг түшмэлийн дүрийг ардын жүжигчин П.Цэрэндавга нар амилуулж байв. Б.Лхагвасүрэн энэхүү жүжгийн зохиолоо бичихдээ Арчуг хааны дүрийг Ардын жүжигчин Л. Жамсранжавт зориулав хэмээн тэмдэглэн үлдээснийг найруулагч Ч.Найдандорж дурссан байдаг.
