Б.Ганхайч Парисын их дуулгаас хүрэл медаль хүртлээ

154 мянган еврогийн шагналын сантай Парисын “Их дуулга” жүдо бөхийн тэмцээний хоёр дахь өдрийн барилдаанууд болж өндөрлөлөө. Эмэгтэйчүүдийн -63 кг-ын жинд барилдсан ОУХМ Б.Ганхайч дагах барилдаанд Кубын бөх Мэрилэн Дел Торо Карвахалыг ялж, улмаар хүрэл медалийн төлөө Японы Кирари Ямагүчиг ялснаар хүрэл медаль хүртлээ.Түүний жинд 40 жүдоч зодоглосноос Б.Ганхайч хэсэгтээ Узбекистаны Севинич Исокова, Чехийн Рената Зачова, Косовогийн Лаура Фазлиуг ялаад хэсгийн аваргын төлөө Нидерландын Жоанна ван Лешотод дийлдсэн. Энэ удаагийн тэмцээнд оролцож буй Монголын багийн анхны медаль аж. Б.Ганхайчийн тухайд, “Их дуулга” тэмцээнээс тав дахь медалиа хүртэж байгаа нь энэ юм.