1990-ээд оны үеийн залуусын сонсох, дуулах дуртай байсан, өнөө ч дуулагдсаар байгаа “Хайрын сарнай” дууг өөрийн нэрийн хуудас болгон шинэчилэн дуулсан уран бүтээл ч бол
“T.I” хамтлагийн дуучин Мөөжиг буюу СТА Д.Мөнх-Эрдэнэ юм.
Тэрээр тун удахгүй болох Мартын 8-ны баярын өдрийг тохиолдуулан Улаанбаатар хотын бүсгүйчүүддээ VIP тоглолтоо толиулахаар болжээ.
“Найзууд”, “Хувь заяаны галт тэрэг”, “Хайрын сарнай”, “Аж богдын харуул” зэрэг олон сайхан дуу энэ тоглолтод эгшиглэнэ. Дуучин залуу маань хоёрхон настайдаа нүдний хорт хавдар гэх аймшигт өвчнөөр өвдөж, хорвоог харалгүй өдийг хүрсэн ч өөрийн хүсэл мөрөөдлөөрөө уран бүтээлээ туурвисаар яваа билээ.
Түүний “Хайрын сарнай” VIP тоглолт 03-р сарын 08-нд Light Event Hall-д тоглогдох ба тоглолтонд урилгаар Nisvanis хамтлагийн Амгаа, МУГЖ Ч.Амаржаргал, Дижитал Эрка, Наранчимэг, No name хамтлагууд оролцох гэнэ. Тоглолтын тасалбарыг ticket.mn-ээр худалдаалж байна.
