Өнөөдрийн байдлаар Улаанбаатар хотын хэмжээнд 35 аж ахуйн нэгжийн 278 шатахуун түгээх станц үйл ажиллагаа явуулж байна.
Монгол улсад үйл ажиллагаа явуулж буй бүх шатахуун түгээх станц “Шатахуун түгээх станц. Техникийн ерөнхий шаардлага”-ыг дагаж мөрдөх ёстой.
Энэхүү стандарт нь 2013 оны 12-р сарын 19-ны өдөр батлагдан 2014 оны 01-р сарын 28-ны өдрөөс эхлэн мөрдөгдөж эхэлсэн.
Уг стандартын 4.2-т ШТС-ын барилга, байгууламж, технологийн тоног төхөөрөмж нь галын аюулгүй байдал, байгаль орчныг хамгаалах, экологийн болон хөдөлмөрийн нөхцлийн нийтлэг шаардлагууд, энэхүү стандарт болон бусад холбогдох байгууллагаар боловсруулан, хянуулж баталгаажуулсан зураг төслийн дагуу баригдаж, суурилагдан ашиглалтад хүлээлцсэн, тээврийн хэрэгслийг цэнэглэх зорчигдод тав тухтай, шуурхай үйлчлэх, аюулгүй, найдвартай ажиллагааны нөхцлийн бүрдүүлсэн байна. хэмээн заажээ.
Тэгвэл энэхүү заалтыг зөрчсөн буюу зөвшөөрөл авалгүйгээр үйл ажиллагаа явуулж буй ШТС Улаанбаатар хотоос Баянзүрхийн товчоо орох замд үйл ажиллагаа явуулж байна.
НОМИН ХОЛДИНГ КОМПАНИЙН ХАРЬЯАЛАЛ БҮХИЙ “ЭКО ОЙЛ” ХХК-н шатахуун түгээх станц нь өнөөдөр үйл ажиллагаа явуулж байгаа боловч ямар ч зөвшөөрөл аваагүй ажээ.
Буруутгагдаж буй этгээдэд тайлбар хийх боломж олгоно гэж сэтгүүлчийн ёс зүйд заасан байдаг. Бид ёс зүйгээ баримтлан энэ талаар тус байгууллагад ажиллаж байгаа ажилчдаас тодрууллаа.
Харамсалтай нь бидэнд хариулт өгсөнгүй.
Тэгвэл ийнхүү зөвшөөрөлгүй үйл ажиллагаа явуулж байгаа ААН-ийн үйл ажиллагааг зогсоож, Зөрчлийн тухай хуулиар олсон орлогыг нь хураадаг.
Тодруулбал,
7.14 дүгээр зүйл.Газрын тосны бүтээгдэхүүний тухай хууль зөрчих
1.Газрын тосны бүтээгдэхүүний тухай хуулиар хүлээлгэсэн үүргийг биелүүлээгүй бол хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно.
2.Газрын тосны бүтээгдэхүүнийг:
2.1.импортлох;
2.2.үйлдвэрлэх;
2.3.худалдах;
2.4.тээвэрлэх;
2.5.хадгалах техник, технологи болон аюулгүй ажиллагааг хангахтай холбогдсон стандарт, дүрэм, нормыг биелүүлээгүй бол хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно.
3.Тусгай зөвшөөрөлгүйгээр:
3.1.газрын тосны бүтээгдэхүүн үйлдвэрлэсэн;
3.2.бүх төрлийн шатахуун, тусгай шингэн, шатдаг хийг импортолсон;
3.3.жижиглэнгийн, эсхүл бөөний худалдаа эрхэлсэн бол хүнийг хоёр зуун нэгжтэй тэнцэх хэмжээний төгрөгөөр, хуулийн этгээдийг хоёр мянган нэгжтэй тэнцэх хэмжээний төгрөгөөр торгоно.
Тайлбар: Энэ зүйлд заасан зөрчлийг үйлдсэн бол хууль бусаар олсон хөрөнгө, орлогыг хурааж, зөрчлийг арилгах хүртэл үйл ажиллагааг түр зогсооно. Гэж заасан байгаа.
Өнөөдөр хэн байхаас үл хамааран барилга байгууламж барих гэж байгаа болон үйл ажиллагаа явуулах гэж байгаа бол эхлээд зөвшөөрөл авдаг. Гэтэл “ЭКО ОЙЛ” ХХК үйл ажиллагаа явуулж эхлэхээсээ өмнө зөвшөөрөл авсангүй. Харин үйл ажиллагаагаа эхэлчихээд зөвшөөрлөө хөөцөлдөж байна.
Хуулиас давсан эрх мэдэлтэй байгууллагад төр төмөр нүүрээ харуулах уу? Хууль бүгдэд тэгш үйлчилдэг гэдгийг харуулах уу? Гэдгийг Уул уурхай, хүнд үйлдвэрийн яам, Ашигт малтмал газрын тосны газар, нийслэлийн Засаг даргын Тамгын газраас авдаг ажээ. бид эргэж мэдээлсээр байх болно.
