МУГЖ Т.Баясгалан АМРААД Л АМЖИЛТ ОЛСОН УЛС БИЙ БИЛ ҮҮ! хэмээн үзэл бодлоо илэрхийлэв.
Тэрбээр “Өнөөдөр их дүйчин өдөр тохиож, бүх нийтийн амралтын өдрөөр хуульчлагдсан билээ. Гагц, дүйчин өдөрт бус АМРАЛТЫН ӨДӨР БОЛГОН ХУУЛЬЧИЛСАН өдрүүдийн талаарх өөрийн бодлоо та нартайгаа хуваалцахыг хүслээ.
Хөдөлмөр эрхэлж, зуу зуун хүнийг ажлын байраар хангаж, хором мөч бүхэнтэй уралдаж, улирлын чанартай, цаг агаар гэх мэт олон хүчин зүйлээс хамаарч үйл ажиллагаа нь явагддаг мянга мянган байгууллага бий. Гэтэл “дайны хажуугаар дажин” гэдэг шиг манай улс нэлээдгүй ажлын өдрүүдийг хуульчилж амралтын өдөр болгосноор ажлын бүтээмжинд сөргөөр нөлөөлж байна.
Энэ үеэр жишээ нь: Банкны хүү “амардаг” билүү, зогсохгүй тооцогдож тоолуур гүйж л байдаг, өр нэмэгдэж л байдаг. Барилгын талбайд зоосон багаж төхөөрөмжүүдийн /кран/ үнэ хөлс “зогсдог” билүү гэж бодож үзмээр байгаа юм. Аливаа улс орон өндөр хөгжилтэй, иргэд нь сайхан амьдрахын тулд мөч бүхэнд зогсолтгүй хөдөлмөрлөж, үүрийн таван жингээс үдшийн бүрий хүртэл борви бохисхийлгүй ажиллаж байж бидний хүсээд буй хөгжилд хүрэх бус уу? Энэ бүхнийг дүгнээд хэлэхэд бие биенээ эвийлж хөөрхийлж, дээшээ харж амаа ангайж залхуу залхаг байдалтай амьдрахаасаа ичдэг нийгмийг бүтээхсэн. Улс эх орноо удирдах хүмүүс хууль батлахдаа амьдралтай, хөрсөнд буусан, олон талаас нь тооцож судалж гаргадаг байгаасай гэж хүсье!
Эх дэлхий амгалан
Эх орон минь хөгжин бадрах болтугай!” гэсэн юм.
