МАН-ынхан томилгоог эцэслэн шийдээгүйн улмаас УИХ-ын чуулган, УЗ, бага хурал хойшлогдсоор байна

Ес дахь удаагийн парламент 126 гишүүн, таван намын төлөөлөлтэй байгаа тул МАН хүссэн ч эс хүссэн ч эвсэх нь тодорхой болсон.
Эвсэхээс өмнө УИХ дахь МАН- бүлгийн дарга, Засгийн газрын бүрэлдэхүүнд үлдэх болон шинээр орж ирэх сайдын томилгоо зэрэг хэд хэдэн чухал томилгоо хийгдэх юм.
Гэвч МАН томилгоогоо эцэслэн шийдээгүй тул өчигдөр хуралдах байсан УИХ дахь МАН-ын бүлэг хуралдаагүй. Мөн өнөөдөр УИХ-ын нэгдсэн чуулган, МАН-ын бага хурал, УЗ-ийн хурал хэзээ болох нь тодорхойгүй байна.
Хэрвээ томилгоог МАН эцэслэн шийдвэл УЗ, Бага хурлаа хийж, улмаар УИХ дахь МАН-ын бүлэг хуралдаад дараа нь УИХ-ын нэгдсэн чуулган хуралдаж томилгоонуудыг албажуулах болно.
АН, ХҮН-ын хувьд МАН-ын саналыг хүлээсэн маягтай, дотооддоо томилгооны хүнээ тохирчихсон гэх албан бус мэдээлэл байна. Бид томилгооны талаарх мэдээллийг эргэж хүргэсээр байх болно.