Архангай аймгийн Батцэнгэл сумын харьяат Дархан аварга, МУГТ Гэлэгжамцын Өсөхбаярт үндэсний их баяр наадмын босгон дээр Монгол Улсын Хөдөлмөрийн баатар цол хүртээхээр болжээ.
Түүний хувьд 1995 онд Сумын заан цол хүртэж түүнээс хойш цол ахисаар 2014 онд Дархан аварга болсон юм.
Тэрбээр энэ хугацаанд улсын баяр наадамд дөрөв түрүүлж, нэг үзүүрлэж, 14 удаа шөвгөрчээ. Харин цагаан сарын барилдаанд гурав түрүүлж, хоёр үзүүрлэсэн байна.
Мөн чөлөөт бөхөөр 1998 оны Бангкокын Азийн наадмаас хүрэл, 2001 онд Азийн аваргаас алтан медаль хүртэж байв.
