Сүүлийн үед дууны “хэрүүл” тасрахгүй болсон гэхэд хилсдэхгүй байх. “Хулан хонгор” дууны шуугиан намжиж амжаагүй байхад дараагийн дууны “хэлэлцүүлэг” эхлэв. Энэ удаад МУ-ын гавьяат багш Н.Гаамаагийн шүлэг, С.Бат-Очирын аялгуу “Хүмүүний нэгэн урсгал” уран бүтээл байлаа. 
Уг уран бүтээлийг Ардын жүжигчин Ш.Чимэдцэеэ анхлан амилуулж монголын ард түмний “хит” дуу болгосон. Уг дуу анх “Би” гэдэг нэртэй байсанг Ардын жүжигчин маань “Хүмүүний нэгэн урсгал” хэмээн нэрлэж өөрийн ээждээ зориулсан түүхтэй. Цацагдсан даруйдаа олны сонорт ихэд хүрсэн уг дууг МУГЖ Д.Отгонбаяр продюсерлон клипийг бүтээсэн.
АЖ Ш.Чимэдцэеэ “Хүмүүний нэгэн урсгал”
Энэхүү дууны шуугианыг “Хувьсал” продакшн эхлүүлэв. Тэд 8 дахь уран бүтээл болох “Хувь заяа” уран сайхны киноны дуугаар “Хүмүүний нэгэн урсгал” дууг албан ёсны зөвшөөрөлтэй дуучин, СТА Х.Мөнгөнцэцэгээр дуулуулжээ. Зохиогчийн эрхийн албан ёсны зөвшөөрөлтэй хэмээн зарлан киноны нээлтэнд дуулсан тэдний энэ уран бүтээл олныг дахин талцуулав. Эх сурвалжийн мэдээлж буйгаар Хувьсал продакшны хамт олон тухайн дууны яруу найрагч, хөгжмийн зохиолчоос албан ёсны зөвшөөрөл авсан хэмээн шинэхэн клипээ хүргэлээ.
Хуулиндаа яруу найрагч, хөгжмийн зохиолч, дуучин гурав ямарваа нэгэн хэлбэрээр гэрээ байгуулж хугацаа заагаагүй бол зохиогчид дуу уран бүтээлээ өөр уран бүтээлчээр дуулуулах эрхтэй байдаг. “Хүмүүний нэгэн урсгал” дууг хэн сайн амилуулсанг уншигч та бүхэн дор бүрнээ тунгаах биз ээ.
Б.МӨНХЖАРГАЛ
1 сэтгэгдэл
к