Америкийн хип хоп ертөнцийн томоохон төлөөлөгчдийн нэг Шон Комбсыг 2024.09.16-ны өдөр баривчлагдсан билээ. Түүнийг хүний наймаа, бэлгийн хүчирхийллийн хэрэгтэй холбогдуулан баривчилсан бөгөөд 50 сая ам.долларын барьцаа санал болгон гадуур шалгагдах хүсэлт гаргасан ч шүүх хүлээн зөвшөөрөөгүй.
Түүнийг
1. Зохион байгуулалттай гэмт хэргийг толгойлсон
2. Бeлгийн мөлжлөг
3. Хvчирхийлэл
4. Бусдын эрүүл мэндэд халдсан
5. Хахууль өгсөн
6. Дарамталсан
7. Сүрдүүлсэн зэрэг маш олон гэмт хэрэгт буруутгагдаад байгаа юм.
Тодруулбал тэрбээр тогтмол секс үдэшлэг зохион байгуулдаг байсан бөгөөд үүнийгээ “freaks off” гэж нэрлэдэг байжээ. Улмаар бусдын бэлгийн харилцаанд орж байгаа бичлгийг хийдэг байсан. Мөн уг үдэшлэгт эмэгтэйчүүдийг оролцуулахын тулд сүрдүүлдэг байсан бөгөөд зодож цохих нь энүүхэнд гэдгийг олон улсын эх сурвалжууд баталж байна.
Түүний хохирогч нь дан ганц эмэгтэйчүүд ч биш, залуу уран бүтээлчид ч байсан бөгөөд тэдний нэг нь Жастин Бибер байж болзошгүй гэх таамаг байна. Учир нь Шон Комбс насан хүрээгүй эрэгтэй хүүхдүүдтэй бэлгийн харилцаанд орсон бөгөөд тэрхүү бичлэг нь ч дэлгэгдэх нь тодорхой болсон байна. Мөн Жастин Биберыг хүчиндэж байсан байж болзошгүй таамаг мэдээлэл өдгөө ахин дахин дэлгэгдсээр байгаа юм.
Пап Дэдди буюу Шон Комбсын хэрэгт Jay-Z, Леброн Жеймс, Эштон Катчер зэрэг олны танил олон хүн хам хэрэгтнээр татагдах магадлалтай гэнэ.
Түүнийг өдгөө Нью-Йорк хотод байх шоронд цагдан хорьж байгаа бөгөөд 2024.10.07-ны өдөр шүүх хурал нь болох юм. Хэрвээ шүүхээс түүнийг гэм буруутай гэж үзвэл зөвхөн бэлгийн хүчирхийлэл, мөлжлөгийн хэрэг нь л гэхэд бүх насаараа хорих ялтай юм.
