Дууны оюуны өмчийн асуудал Н.Оюунчимэг П.Идэржавхлан, жүжигчин З.Онон нарын дунд үүслээ

Дуучин П.Идэржавхлан, жүжигчин З.Онон нар хамтарсан тоглолтоо хийхээр цахим орчинд чухам л идэвхитэй байгаа. Тэгвэл тэд  тоглолтоо нэрлэсэн дуугаа зохиогчид болон дуучнаас нь зөвшөөрөл авалгүй дуулсан гэнэ шүү.

Энэ талаар дуучин Н.Оюунчимэг ихэд бухимдалтайгаар цахим орчинд байр сууриа илэрхийлсэн байх юм. Тодруулбал,

“Дуучин П.Идэржавхлан, жүжигчин З.Онон гэл үү та хоёр яасан том хүмүүс вэ? Хүний дууг шууд авч дуулаад бүүр давраад тоглолтоо хүний дуугаар нэрлээд эздэд нь юу ч хэлэхгүй дураараа аашилдаг ямар ухамсаргүй юм бэ?

Та хоёр хүнийг хүндэтгэх эмээх чанар түй ч байхгүй. Тэгээд ичихгүй хөгжмийн зохиолч нь амьд юм уу гээд явж байдаг ухаанаа уландаа гишгэчихсэн увайгүй бүүр хэлэх муу үг олдохгүй байна.

Онон гэдэг хүүхэн чи зүгээр жүжигчнээ хийгээд яв. Студи дээр очиж хоолойгоо засуулж бичлэг хийлгэчээл ам бариад хүний дууг дээрэмдээд ямар хэрэг байгаа юм. МУУГЗ Төрийн соёрхолт хөгжмийн зохиолч Нямдорж болон дууг анх дуулсан одоо ч дуулж яваа Баян Монгол чуулгын дуучин Оюунчимэг нартай ирж уулзана уу. ” гэжээ.

Түүний энэхүү хилэгнэл удаан үргэлжилсэнгүй. Дуучин П.Идэржавхлан холбогдож уучлалт хүссэн аж. Тэрбээр энэ талаар ч гэсэн цахимдаа “Дуучин Идэржавхлан маань надаас уучлал гуйлаа би ч нэлээн ширүүхэн хэллээ. Тэгээд адилхан дуучин болохоор хайрлаж байнаа. Залуу хүн алддаг болохоор уучлаад постоо буцаагаад авчлаа. Та бүхэн минь ойлгож уучлаарай.” гэсэн байх юм.

Соён гэгээрүүлэгчид нь өөрсдөө оюуны өмчийн маргаан гаргаж байгаа нь өөрөө эмгэнэл юм. Тиймээс дуучид уран бүтээлийг заавал зохиогчоос зөвшөөрөл авч бусдад үлгэр дуурайлал болох шаардлагатай байгааг анхаарна биз ээ…