Хан-Уул дүүргийн “Иргэдэд үйлчлэх төв байр”-ны гадна ашиглалтын шаардлага хангахгүй төр захиргааны хуучин барилгыг буулгаж, чөлөөлсөн талбайд 51 автомашины зогсоол, 415 м.кв талбайд явган хүний зам, гэрэлтүүлэг, сандал, сүүдрэвчтэй талбайн тохижилтын ажил дууслаа. Дүүргийн хөрөнгө оруулалтаар байгуулагдсан тус талбай дээр өнөөдөр улсын комисс ажиллаж, ашиглалтад оруулахад бэлэн боллоо.
