“Этик” продакшны жүжигчин С.Одбаяр бусдыг зодож, танхайрч буй бичлэг цахим орчинд цацагдаад байна. Уг хэрэгтэй холбоотойгоор цахим орчинд “Этик” продакшнаас татгалзах уриалга гарч, мэргэжлийн тамирчид хүнийг үхэлд хүргэж болзошгүй байдлаар бусдыг зодож байгаад эгдүүцэж байгаагаа илэрхийлсээр байна.
Тэгвэл энэ асуудлаар
ЭТИК Production: “Та бүхэндээ энэ өдрийн мэнд хүргэе. Юуны өмнө продакшныхаа жүжигчний өмнөөс ёс зүйгүй үйлдэл гаргасанд уучлалт хүсэж байна. Тэр үйлдэл хувь хүний өөрийн асуудал болсон бөгөөд Бид продакшнаараа ярилцаад тухайн жүжигчинд хариуцлага тооцох болно. Мөн хуулийн байгууллага шалгахаар болсон.” Гэж мэдэгдэл гаргасан.
Цагдаагийн ерөнхий газрын Хэвлэл мэдээллийн төв: “Энэ асуудал сарын өмнө болсон. Тухайн үед цагдаагийн байгууллагад хандаагүй. Одоо цахим сүлжээнд нийтлэгдсэн бичлэгийн дагуу Сүхбаатар дүүргийн цагдаагийн газарт шалгалтын ажиллагааг эхлүүлсэн” гэх тайлбарыг өглөө.
Хэрвээ зодуулсан хүнд гэмтлийн зэрэг тогтоогдох юм бол эрүүгийн хуулийн дагуу жүжигчин эрд ял оноох юм. Харин гэмтлийн зэрэг тогтоогдохгүй бол Зөрчлийн хуулиар 100 000 төгрөгөөр торгуулаад өнгөрөх юм.
Бид энэ хэргийн талаар эргэж мэдээлэх болно.
