Тус Цагдаагийн газраас зам тээврийн ослын улмаас амь насаа алдсан иргэдийн гэр бүлийнхний дуу хоолойг сонсох, тэдэнд хүндэтгэл үзүүлэх, зам тээврийн осол, хэргээс урьдчилан сэргийлэх, олон нийтийн хандлагыг төлөвшүүлэх зорилгоор “Хичээх өдөр” арга хэмжээг аймгийн Онцгой байдлын газар, Нэгдсэн эмнэлэг, Гэр бүл, хүүхэд, залуучуудын хөгжлийн газар, Тохижилт, үйлчилгээний газар, Даатгуулагчдын холбоо, жолооны курс, Такси үйлчилгээ эрхэлж байгаа байгууллагууд, Мэргэжил, сургалт үйлдвэрлэлийн төв болон Хүүхэд хамгаалагч нартай хамтран зохион байгууллаа.
Арга хэмжээний хүрээнд зам тээврийн осол, хэргээс урьдчилан сэргийлэх мэдээ, мэдээллийг иргэд, олон нийтэд хүргэж, санамж, сэрэмжлүүлэг 1000 ширхгийг тарааж, аймгийн Партизаны талбайгаас эхлэн Сүхбаатар сумыг зам тээврийн осолд өртсөн тээврийн хэрэгсэл болон яаралтай тусламжийн автомашинуудын цуваагаар бүтэн тойрч, зам тээврийн осол, хэргээс урьдчилан сэргийлэх нөлөөллийн ажлыг зохион байгуулсан.
ЗАМЫН ХӨДӨЛГӨӨНД СОЁЛТОЙ ОРОЛЦЪЁ.
