Тус Цагдаагийн газраас Сүхбаатар сумын Гэмт хэргээс урьдчилан сэргийлэх ажлыг зохицуулах салбар зөвлөлтэй хамтран ерөнхий боловсролын сургуулиудын ахлах ангийн сурагчдын дунд “Гэмт хэргээс урьдчилан сэргийлэхэд хүүхэд бидний оролцоо” сэдэвт эссе бичлэгийн уралдааныг зохион байгууллаа.
Эссе бичлэгийн уралдаанд Сүхбаатар сумын ерөнхий боловсролын сургуулиудын ахлах ангийн сурагчдын төлөөлөл болсон 28 сурагчаас эссе бичлэг ирүүлсэн бөгөөд утга найруулгын болон шинэлэг санал, санаачлага дэвшүүлсэн байдлыг харгалзан дараах сурагчдыг шалгаруулж, “Гэмт хэргээс урьдчилан сэргийлэхэд бидний оролцоо” дэвжээ тэмцээний үеэр өргөмжлөл, мөнгөн шагналаар шагнаж, урамшууллаа.
Тэргүүн байранд Сүхбаатар сумын ерөнхий боловсролын 1 дүгээр сургуулийн 12а ангийн сурагч Б.Норжинсүрэн, дэд байранд Сүхбаатар сумын ерөнхий боловсролын 2 дугаар сургуулийн 10а ангийн сурагч Г.Анужин, гутгаар байранд Сүхбаатар сумын ерөнхий боловсролын 1 дүгээр сургуулийн 12б ангийн сурагч А.Хулан, тусгай байранд Сүхбаатар сумын ерөнхий боловсролын 4 дүгээр сургуулийн 12а ангийн сурагч Л.Ихэрцэцэг нар шалгарлаа.
Эрдэм мэдлэг, оюун ухаан, ур чадвараараа өрсөлдсөн нийт сурагчдадаа цаашдын хичээл, сурлагат нь өндөр амжилт хүсье
