Мөрөөдлийн театрын жүжигчин Э.Намуун гэр бүл салгаж хоёрдахь амьдралаа зохиосон нэр хоч зүүгээд багагүй хугацааг үдсэн. Өөрийгөө гэр бүл салгаагүй гэж эрс өмөөрдөг тэрээр өчигдөр нөхөр “Мөрөөдлийн театр”-ын захирал Г.Эрхэмбаяртай хамт “Эхнэрийн заавраар” нэвтрүүлэгт оролцсон.
Тэгвэл нэвтрүүлэг цацагдсны дараа Э.Намуун нөхрөөсөө уучлал хүсч буйгаа цахим хуудаснаа тэмдэглэжээ.
Тэрээр “ Эхнэрийн заавраар биш нөхрийн санаачлагаар оролцчих шиг боллоо. Хоёр ч удаа “Солиор” гэж хэлсэнд уучлаарай. Хэрүүлийн чанартай биш наргиа маягаар хэлсэн шүү” хэмээн онцолсон байна.
Хосуудын хувьд хэн хэн нь өмнөх амьдралаасаа дөрөв болон хоёр хүүхэдтэй.
Харин удахгүй дундаасаа анхны үрээ өлгийдөх гэж байгаагаа нэвтрүүлгийн үеэр оролцохдоо гярхай үзэгчдэд анзаарагдсан. Гэвч хосууд хэвлий дэх хүүхдээ бусдын анхааралд өртүүлэхгүйн тулд “дахин хүүхэдтэй болох болоогүй” хэмээн тас гүрийсээр буй.
Э.Намууны хувьд оюутан байхдаа “Орших уу, эс орших уу” реалити шоуны үеэр үзэгчдэд танигдаж, шоуны шүүгч Д.Сосорбарам гавьяатын урилгаар Айн Рэндийн “Нэгдүгээр сарын 16-ны шөнө” жүжигт гол дүрд тоглосон. Энэ жүжгээрээ муугүй тоглож ирээдүйтэй жүжигчин гэдгээ харуулсан түүнд шүүгчид “Хэрэв чи хүнтэй гэрлээгүй бол ханиа зөв сонгоорой. Энэ сайхан авъяасыг битгий зэврүүлээрэй” гэж захиж байсан. Тухайн үед Э.Намуун хэдийнэ гэр бүлтэй болж, хоёр хүүхдийн ээж болчихсон байсан гэдэг.
Э.Намуунаагийн анхны нөхөр, хоёр хүүхдийнх нь аав Х.Цэнд-Аюуш Монголын үндэсний хөл бөмбөгийн шигшээ багийн тамирчин, “Хоромхон” клубын гол тоглогч, Монгол Улсын шигшээ багийн лидер гэж үнэлэгддэг.Монголын хөл бөмбөгийн үндэсний шигшээ багийн тамирчин Х.Цэнд-Аюуш Дэлхийн аваргын урьдчилсан шатны тэмцээнд Монголын хөлбөмбөгийн түүхэнд бичигдэх анхны “гоол”-ыг оруулсан гавьяатай. Х.Цэнд-Аюуш хөлбөмбөг тоглохын зэрэгцээ, “MCS coca cola” компанид худалдааны төлөөлөгчөөр ажилладаг.
Х.Цэнд-Аюуш, Э.Намуун хоёр 10 жилийн сурагч байхаасаа үерхэж явсаар гэр бүл болсон залуус.Энххүслэн, Мөнххүслэн гэдэг хоёр дэрсхэн хүүхэдтэй. Тэд нэгнээ хайрлаж дотносныхоо 10 жилийг ойг тэмдэглэж чадалгүй хоёр тийш болсон. Уг нь жүжигчин Э.Намуун нөхөр хүүхдүүд, гэр бүлдээ их хайртайгаа хэвлэлд ярьж, жүжигчний карьерээс илүү гэр бүлээ илүүд үзэж, гэр бүлийнхээ төлөө урлагийн тайзаа орхиж чадна гэж ам бардам ярьж байсан удаатай.
Түүний экс нөхөр өнгөрсөн жил шинээр гэр бүл зохиож, дахин хүүхэдтэй болсон гэдэг.
