Хэдийгээр улс орон даяар хөл хориотой байгаа хэдий ч айл бүр удахгүй болох шинэ оноо угтахаар гацуур модоо засч эхэлжээ. Тэдний нэг нь “Гурван охин” хамтлагийн дуучин Г.Анхмаа. Өдгөө Нүхтийн аманд тансаг харшид охин, нөхрийн хамт амьдарч байгаа тэрээр өөрийнхөө фенүүдэд багийн найзаа танилцуулжээ.
Тэрээр “Танилц, миний багийн найз. Бид бараг 32 жил нөхөрлөж байна” хэмээн олон жил хадгалсан өвлийн өвгөний сувинераа дэлгэсэн байна.
Дуучин бүсгүйн хувьд өдгөө 34 настай. Анхны нөхөр жүжигчин Билэгжаргалаасаа ганц охинтой үлдсэн тэрээр ойрын жилүүдэд хүүхэд гаргах төлөвлөгөөгүй гэсэн. Тэрээр өдгөө “Худалдаа хөгжлийн банк”-ны захирал Х.Орхонтой ханилж суугаад хоёр жилийн нүүр үзэж байна.
Х.Орхон өөрийн авааль эхнэр, гурван хүүхдээ үл хайхарч удаан хугацаанд Г.Анхмаатай янаг амрагийн харилцаатай байсан учир эхнэр нь салал өргөдлөө өгсөн байдаг. Түүний хоёр бага хүү Г.Анхмаагийн охинтой насаар ойролцоо.
Сонирхуулахад, Г.Анхмаа гэрийн эзэгтэйн үүргийг сайн биелүүлэхээс гадна онлайнаар нүүр будалтын сургалтад хамрагдаж эхэлсэн гэсэн шүү.
