Монголын рок, поп урлагийн ертөнцөд гэрэлтсэн од, цалгисан их эрч хүч, урин тачаангуйн илэрхийлэл домогт Т.Ариунааг танихгүй монгол хүн үгүй.
Энэ жил түүний тайзнаа гарсны 40 жилийн ой тохиож байгаа билээ. Хэн нэгний түрийвчинд наалдсан хачиг, тэлээнээс зүүгдсэн чимэг бололгүй өөрийнхөөрөө омог бардам эрхэмсэг оршсон.
Эрос, эрос л гээд байх болохоос угтаа бид түүнийг хэдэн эртэй халуухан учрал өрнүүлснийг мэдэх билээ. Тэр амьдрал дээр зөөлөн булбарай хайр татам эхнэр, халамжит хань, сайн ээж, сайн эмээ. Харин тайзнаа тэр үргэлж гал шиг асдаг. Тэр одоо ч дүрэлзсээр …
Эмээ болсон ч өөрийн стиль имиджээ алдаагүй тэрээр өөрийн цахим хуудаснаа “Би үгээр ярьдаггүй, мэдрэмжээр ярьдаг. Бодлоор харилцдаг, бас туршлагаар харилцдаг” хэмээн бичжээ. Тэр үргэлж залуугаараа, гал цогтой хэвээр.
