Телевизийн олон ангит болон баримтат, уран сайхны арав гаруй кино бүтээж, “Баавгай дуулах уу”, “Аладины шидэт дэнлүү” зэрэг хүүхдийн жүжиг тайзнаа найруулан тавьсан “Хас энтертайнмент”- ийн захирал Ц.Хүсэлбаатар, түүний гэргий С.Өлзийхүү нарыг танихгүй хүн ховор.
Хэсэг хугацаанд завсарлаж байгаа жинтэй кино хийдэг тэдний гэр бүлийг удам залгасан гэхэд болно. Тэдний сүүлийн 10 жилд хийсэн “Аюултай харилцаа”, “Нинжин сэтгэл” кинонууд үзэгчдийг байлдан дагуулсан.
Ц.Хүсэлбаатар гуайн аав “Цогоо гуай” рекламны гол дүр болох МУГЖ Ё.Цог гуай. Богд хааны дүрийг хэд хэдэн бүтээлд бүтээсэн тэрээр өдгөө МУГЖ Д.Хүрэлхүүтэй нийлж “рекламны мангас” болоод байгаа гэхэд хилсдэхгүй.
Харин түүний гэргий МУГЖ С.Өлзийхүү Bонголын хошин урлагийн анхдагчуудын нэг. Гэр бүлээрээ “Өнгөт инээд” нэгдлийг бий болгож олон инээдмийн тайз дэлгэцийн уран бүтээл хийсэн. Тус нэгдлээс өнөөгийн үзэгчдийн хайр хүндэтгэлийг хүлээдэг “Макс” хамтлаг өрх тусгаарлаж гарсан түүхтэй.
Ц.Хүсэлбаатарын анхны гэргийгээс төрсөн хүү Учрал нь өдгөө Star телевизийг удирддаг. Өөрийн гэсэн talk show-тай болсон бол хоёрдахь амьдрал буюу С.Өлзийхүүгээс төрсөн охин жүжигчин Х.Баярмаа тив дэлхийн миссүүдийн тэмцээнд амжилттай оролцож эх орныхоо нэрийг өргөж явсан залуу уран бүтээлч.
