САНАЖ СЭРЭГТҮН, САЙТАР ТУНГААГТУН!
Хүнийг гомдоодог хүн хэзээ ч өөдөө манддаггүй
Хүнийг гоочилдог хүн хэзээ ч өөдтэйг боддоггүй
Хүнийг ашигладаг хүн хэтдээ сайн явдаггүй
Хүнийг хараадаг хүн хэрхэвч сайхныг үздэггүй!
Хүнийг шүүдэг хүн хэзээ ч өөрийгөө мэддэггүй
Хүнийг муулдаг хүн хэзээ ч өөртэйгээ тулдаггүй
Хүнийг хуурдаг хүн хэзээ ч амгалан явдаггүй
Хүнийг харддаг хүн хэзээ ч түвшин суудаггүй!
Хүнийг бассан хүн хэзээ ч өөрийгөө ялдаггүй
Хүнийг зуусан хүн хэзээ ч өөртэйгөө эвлэрдэггүй
Хүнийг зовоосон хүн хэзээ ч зоргоор жаргадаггүй
Хүнийг золиосолсон хүн хэзээ ч золоор дэвждэггүй!
Хүнд атаархдаг хүн хэзээ ч өөрөө ахидаггүй
Хүнд гомдоллодог хүн хэзээ ч өөгөө хардаггүй
Хүнд ялархдаг хүн хэзээ ч дэлгэр сэтгэдэггүй
Хүнд шаралхдаг хүн хэзээ ч уужуу боддоггүй!
Хүнд талархдаггүй хүн хэзээ ч өөрөө дүүрдэггүй
Хүнд тусалдаггүй хүн хэзээ ч буян хураадаггүй
Хүнийг үнэлдэггүй хүн хэзээ ч өөрөө үнэлэгдэхгүй
Хүнийг хайрладаггүй хүн хэзээ ч өөрөө хайрлагдахгүй ээ!
Б. Эрдэнэтуяа
2020.10.25
