Ганган хээнцэр унаа тэрэг хөлөглөж, кино концерт ивээн тэтгэж, шоу цэнгээн зохион байгуулж ёстой л нэг дураараа доргиж, дунд чөмгөөрөө жиргэж явсан Баянхонгор аймгаар овогтой М.ЭНХБИЛЭГ, Б.УУГАНБААТАР, Т.ЖАНЦАНДОРЖ нараар толгойлуулсан хэсэг залуус
хийж байгаа хэрэгтээ шалгагдаж байна.
Тодруулбал, тэд “Централ рийл эстэйт” гэх компани байгуулж зараар байр хайсан иргэдийн мөнгийг зээлж хүүнд нь байрандаа суулгана гэж бусдын байрыг өөрсдийн өмч мэтээр итгэл үнэмшил төрүүлэн мөнгийг нь хуулийн этгээд, гэрээ хэлцлээр халхавчлан залилан авчээ. Одоогоор хохирогчдын тоо 100 хол давж, хохирлын хэмжээ даруй 1,4 тэрбум болсон байна.
Хэдийгээр цагдаагийн байгууллагаас эдгээр залууст эрүүгийн хэрэг үүсгэн шалгаж байгаа ч гэмт этгээдүүд нь хохирол барагдуулах нь битгий хэл ял шийтгэлээ хүлээнэ хэмээн хуулийн байгууллага болоод хохирогчдоор доог тохуу хийн, зарим нь сул чөлөөтэй явах болжээ.
Идэр ес тачигнасан өвлийн хүйтэнд нялх хүүхэдтэй, өрх толгойлсон олон гэр бүл эдгээр залууст залилуулснаас болж байрнаасаа хөөгдөж төрөл садан, нийтийн байраар толгой хоргодох, зарим нь бүр гудамжинд ч гарч байгаа юм байх.
Хүний мөсгүй эдгээр залуусын гэмт үйлдэлд Баянхонгор аймгийн нэр бүхий удирдах хүмүүс ч холбоотой байж болзошгүй талаар мэдээлэл байгаа юм. Нэр хугарахаар яс хугар гэж ухаарч гэмшин нутаг усныхаа нэрийг бодмоор доо.
Үргэлжлэлийг эргэн мэдээлэх болно.
