Өнөөдөр 2021 оны хоёрдугаар сарын 19.
Өдгөөгөөс яг нэг жилийн өмнөх энэ өдөр Говь-Алтай аймгийн Засаг даргын тамгын газарт архидалt болж, цэл залуухан бүсгүй С.Болормаа амь насаа алдаж, Монголын ард түмэн тэр даяараа харамсан гашуудсан юм.
Түүний найз энэ өдөр сэтгэлийн үгээ дайжээ.
Ирчих боловуу, ороод ирэх байх, энэ зүүд, үгүй ээ энэ бол солиорол, сэр сэр, түй түй, чимхэж нэг, уйлж нэг, инээж нэг үдсэн энэ нэг жил ямар удаан удааан байв аа.
Чиний дуудлагагүй, чиний инээдгүй өдрүүд, чиний цохилтгүй аниргүй зогсох хаалга ч чамайг үгүйлэн гийнаж, чиний үнэргүй, чи үгүй, яасан гомдолтой жил байв аа..
Найз минь чи үгүйд, чамгүй байлаа гээд Алтай хотын өглөө болдгоороо болж, чиний чин хайрт Алтайн үндэстэй бүхний амьдрал өрнөдгөөрөө л амар жимэр өрнөж, чиний бүхэн чиний дурсамжийг тээгээд урагшилдгаараа урагшилж байнаа..
Ганцхан чиний мөр л тасарч, чи л үгүй болжээ. Зурвас таних хүний халаглал, үй зайгүй бүхний харамсал, үхтэл харам ижий аавын тань гаслалтай нэг жил өнгөрчээ…
Өвөлдөө чи буцаагүйсэн бол Өнөө өглөө би хоёр аяга кофе аягалах байсан…тэр л өдөр дөө өнөөдөр.
Түүнийг минь таних, мэдэх, санах бүхэн өнөөдөр л ганц удаа зорин зорин, нэхэн нэхэн танд хүргэж байсан тусыг, төрүүлж байсан сэтгэгдлийг, мэдрүүлж байсан сайхныг санаач, дурсаач, түүнийг минь бодооч, өөр хоорондоо инээмсэглэн яриач…. үргэлжийн цовоо түүнд минь тэр л амирлангийн зул болно шүү.
Бурхан өршөө
Миний нандин
Naraa Bayraa
