Монголын кино урлагт өөрийн гэсэн байр суурийг баттай эзэлсэн чадварлаг эмэгтэй жүжигчдийн нэг бол Б.Навчаа. Тэрээр одоогийн кино урлагийн нэгэн өнгө төрхийг тодорхойлогч гэхэд болно.
Ард түмний хайр хүндэтгэлийг хүлээсэн чадварлаг жүжигчин Б.Навчаа өнгөрсөн дөрөвдүгээр сард одоогийн Хууль зүйн сайд Х.Нямбаатарыг буруушаасан пост оруулсны улмаас яллагдагчаар татагдсан.Түүнд холбогдох хэргийг прокуророос яллах дүгнэлт үйлдэж, шүүх рүү шилжүүлсэн.
Өнөөдөр тэрбээр цахим хуудаснаа “2020 оны 6 сараас өнөөдрийг хүртэл ХЗДХ сайд Х.Нямбаатарын гомдлоор надад үүссэн эрүүгийн хэргийн 13.14 зүйл заалтаар яллаж байсан хэрэг 2 дох удаагаа гэм буруугүй нь тогтоогдож үүгээр хаагдлаа”хэмээжээ.
