Ерөнхий сайд Хөшигийн хөндийн нисэх онгоцны буудлын бүтээн байгуулалттай танилцаж байна. Тус нисэх онгоцны буудал ирэх долдугаар сарын 1-нд ашиглалтад орох гэрээтэй аж. Энэ үеэр эрүүдэн шүүгдсэн гэх Т.Чимгээ, Б.Содномдаржаа нартай холбоотой асуудлаар байр сууриа илэрхийлсэн юм.
Тэрбээр “Гуравдугаар сарын 8-нд эрүүдэн шүүгдсэн Т.Чимгээтэй очиж уулзана. Шүүн таслах ажиллагаанд нөлөөлөх гээгүй. Харин эрүүдэн шүүлт дахин болох ёсгүй гэсэн үүднээс очиж уулзана.Хоригдоj байсан эмэгтэйд хаpp тамхi тариад, хувцасыг нь тайлj байгаа бичлэгийг нөхөр рүү нь явуулсан байсан…
Удахгүй Төв аймгийн хорихын шоронг ашиглахаа болино” гэлээ. Мөн “Өнөөдөр Засгийн газрын зарим гишүүд Хөшигийн хөндийн нисэх онгоцны буудалтай танилцаж байна.
“Монгол Улс тавдугаар сарын 1-нээс агаарын хилээ нээснээр долдугаар сарын 1-нд шинэ нисэх онгоцны буудлыг ашиглалтад оруулах гэрээтэй байгаа. Энэ талаар Японы талтай ярилцсан. Гэхдээ вакцинд хамрагдсан иргэд Монгол Улсад ирэх боломжтой. Шинэ нисэх онгоцны буудлын үйл ажиллагааг эхлүүлэх бэлтгэл 85 хувьтай хангагдсан. Үлдсэн бэлтгэл ажлыг яаралтай хангахыг албаныханд үүрэг болгосон” талаар хэллээ.
Албаны хүмүүсийн хэлж буйгаар 24 цагийн дотор шинэ нисэх онгоцны буудал руу нүүх боломжтой бөгөөд нислэгийн хуваарь алдагдахгүй гэдгийг хэлж байв. Түүнчлэн хуваарьт нислэг гүйцэтгэгч дотоодын агаарын тээвэрлэгчдийн үйл ажиллагааг “Чингис хаан” ОУНБ-д нүүлгэн шилжүүлэхэд нийт 60.9 тэрбум төгрөгийн санхүүжилт шаардлагатай байгаа аж. Мөн нислэгийн үйл ажиллагааг сэргээн тогтворжуулахад нийт 248 тэрбум төгрөг шаардлагатайг албаныхан хэлсэн юм.
