Бид өнөөдөр УДЭТ-ийн 54 хүн Коронавируст халдвар (covid-19) авсан болох нь тогтоогдсн талаар мэдээлсэн. Уг мэдээлэлтэй холбоотойгоор дөнгөж сая УОК-оос ОБЕГ-т мэдээлэл хийлээ.
Уг мэдээллээр 2021 оны 3-р сарын 4-6-нд УДЭТ-т “Анна Каренина” жүжиг үзсэн хүмүүс сайн дурын шинжилгээнд хамрагдахыг уриаллаа. Тодруулбал тус жүжгийг 900 гаруй хүн үзсэн бөгөөд уг жүжгийг үзсэн хүмүүс энэ сарын 9-10-ны өдрүүдэд 09-17:00 цагт шинжилгээнд сайн дураараа хамрагдах хэрэгтэй юм байна.
Бүлэг бөөгнөрөл үүссэнтэй холбоотойгоор Коронавируст халдвар (covid-19) авсан хүний тоо буурахгүй байгаа аж.
Тиймээс баярын өдөр гэрэсээ гарахгүй байх, бөөнөөрөө баяр тэмдэглэхгүй байх, хөдөө орон нутаг руу явахгүй байх зэргээр халдвар хамгааллын дэглэмээ сахиж, өөрийгөө болон хайртай хүмүүсээ Коронавируст халдвар (covid-19)-аас сэргийлнэ үү.
