ЗГ гаргасан бодлогынхоо буруу үр дүнг иргэд рүү чихэж байгаад харамсалтай байна. Сургууль, цэцэрлэг, сургалтаа бүгдийг нь хаасан.
Олон нийтийг хамарсан үйл ажиллагаа явуулж болохгүй гэсэн. Гэвч тэд зөвшөөрөл олгосон. Тэд олон нийтийн үйл ажиллагааг хорьчихоод тоглолт зохион байгуулах зөвшөөрөл олгосон. Тооцоолол, эрсдэл, дүн шинжилгээг УОК болон НОК, ЭМЯ мэдэж л байгаа.
Өмнө нь дотооддоо алдсан том жишээ байсаар байтал зөрж ийм алдаа гаргасан нь ЗГ, УОК, НОК, ЭМЯ-ны буруу. Шийдвэр гаргагч нарын өөрсдийн буруу. Ядаж Вакцин хийчихээд зөвшөөрлөө өгсөн бол арай л логиктой байсан.
Одоо иргэд нь иргэд рүүгээ бухаж, тэнэг мангар, арчаагүйгээр нь дуудна. Гэвч иргэдийг ийм нөхцөл байдал руу түлхсэн, цаад бодлого шийдвэр гаргагч нар луу анхаарал тавихгүй байгаа нь харамсалтай. Тэл өөрсдийн алдаагаа иргэддээ өгчихлөө. Үйлчилгээ явуулсан байгууллагадаа өгчихлөө. Харамсалтай… Би бол иргэдэд ямар ч буруу өгч чадахгүй. Төр нь ТВ, сошиалаар хуралдаад л байна. Уулзаад л байна. Бусад нь болохгүй.
Амьдралд ойр бодлого шийдвэр гаргамаар байна. Хэтэрхий ойлгомжгүй байна. Хэтэрхий барьцгүй байна. Хэтэрхий эрсдэлтэй байна. Ковид-19-өөс илүү эрсдэлтэй нь буруу шийдвэр, барьцгүй бодлого болоод байна. Хохирогч нь иргэд. Иргэдийн цаана хүүхэд, хүний амьдрал бий гэдгийг дахин дахин бодоосой.
Мөн иргэдийн буруу хандлага, хайхрамжгүй байдал, хүндэтгэлгүй харилцаа, туйлширсан үзлүүд, хэт амин хувиа хичээх үзэл. Энэ ч бас аюултай. Ийм зүйлс үргэлж л эрсдэл дагуулж байдаг.
БУРУУГ ӨГӨХӨӨСӨӨ ӨМНӨ БОДОЖ СУРЦГААЯ. АЛИВААД ЖААХАН Ч ГЭСЭН УЛ СУУРЬТАЙ ХАНДАХГҮЙ БОЛ БҮХ ЗҮЙЛ СЕНСАЦИАР ХОЛ ЯВАХГҮЙ ШҮҮ. Үр дүн, өөрчлөлт ч гарахгүй.
Нэгийг бодно биз ээ.
Хариуцлагатай иргэд байя. Хэрсүү иргэд байя.
У.Ганбаяр
2021.03.09
