Саяхан болсон Удирдах ажилтнуудын улсын зөвлөгөөн дээр БНХАУ-ын дарга Ши Жиньпин “Өвөр Монголд л болохгүй байна” гэж цохон дурдаж, хатуу шүүмжилж, алдааг засаж, асуудлыг нэг мөр шийдвэрлэхийг үүрэгдлээ.
Үндэсний ижилсэл, нийтийн хэлний бодлогыг Өвөр Монголд л эсэргүүцсэн, одоо ч тэр бодлого Өвөр Монголд олигтой хэрэгжихгүй байна, бусад муж нутгуудын жишигт нийцүүл гэжээ. Үндэсний ижилсэл гэдэг нь хятадад уусах, нийтийн хэл гэдэг нь хятад хэлийг хэлж байгаа.
Олон хүнийг хатуу шийтгэж, харгис цэргийн дарангуйлал тогтоож, Өвөр Монголд байдал маш хүнд байгаа. Гэтэл хангалтгүй байна, алдаагаа зас гэдэг нь бүрэн Шинжаан болго, бүрэн хятад болго гэхээс өөр утгатай дуулдахгүй байна.
Өвөр Монголын тэргүүн хатагтай Бу Шяолин хурал дээр үг хэлж байгаад ухаан алдаж унаад сэхэхгүй байсан нь аргагүй аж. Маш том буруутгал ирэхийг, маш харгис даалгавар ирэхийг мэдэрсэн учраас тэгсэн бололтой. Бу Шяолин яасан ийсэн нь тодорхойгүй, сураг чимээгүй болсон.
Өвөр монголчууд асар хүнд байдалд байна. Үхэл мөхлийн ирмэгт байна. Эд бол бидэнтэй л адилхан монголчууд. Бидний халх хамгаалалт. Өвөр монгол ахан дүүсээ хайрлаж яваарай. Өмгөөлж байгаарай.
