Өчигдөр МУГТ, Хөдөлмөрийн баатар Д.Сумьяа, Их Аварга Хакүхо М.Даваажаргал, түүний дэвжээний анд Рюү Санчирболд нарын хорвоод мэндэлсэн өдөр нь тохиосон билээ. Аварга бөхчүүдэд Японд алдаршиж, од болж чадсан дуучин Дамдинсүрэнгийн Оюунтүлхүүр цахим хуудсаараа баярын мэндчилгээ дэвшүүлэв.
Тэрээр 1989 оны 8-р сард Токио хотноо зохиогдсон, 7 дахь удаагийн Дэлхийн хүүхдийн хөгжмийн наадамд өөрийн зохиосон “Ээжийн бүүвэй” дуугаараа оролцож, гран-при шагнал хүртсэн юм. Улмаар уг дуугаа япон хэл рүү орчуулан дуулж, 1990 оны 5-р сард Японд анхны сингл болгон гаргасан бөгөөд одоогоор нийт 5 цомог, 11 сингл тус улсад худалдаанд гаргажээ. 1990 оны 12 сарын 31-нд, Эн-Эйч-Кэй телевизийн оны шилдэг дуунуудыг багтаасан шинэ жилийн нэвтрүүлэг “Коохакү Үта-гассэн”-д тэр үедээ түүхэнд хамгийн залуу оролцогч болж байсан билээ.
Тэрээр өөрийн 1997 онд байгуулсан “Оюунтүлхүүр” сангаараа дамжуулан хүүхдүүдэд тусалдаг бөгөөд сүмогийн бөхчүүдтэй олон удаа сайн үйлсийн ажил зохион байгуулж байсан юм.
