Монгол Улсын Ерөнхийлөгч У.Хүрэлсүх дөнгөж сая тангараг өргөж дууслаа. Уг тангараг өргөх ёслолд УИХ-ын гишүүдээс гадна Монгол Улсын Ерөнхий сайд, Засгийн газрын гишүүд, Үндсэн хуулийн цэцийн дарга, гишүүд, Улсын дээд шүүхийн Ерөнхий шүүгч, шүүгчид, Ерөнхий прокурор болон Улсын Их Хуралд ажлаа шууд хариуцан тайлагнадаг байгууллагын удирдах албан тушаалтан, улс төрийн намын удирдлага болон хэвлэл, мэдээллийн ажилтнууд, иргэдийн төлөөлөл, гадаадын дипломат төлөөлөгчдийн газрын тэргүүн, зочдыг урьсан байв.
Тэдний дунд Э.Батшугар уригдан оролцжээ. Түүний аав Н.Энхбаяр Ерөнхийлөгчийн сонгуулийн өмнө МАХН-аа МАН-тай нэгтгэснээ албан ёсоор зарласан. Улмаар удахгүй болох СХД-ын нөхөн сонгуульд хүүгээ дэвшүүлүүлэх тохироо хийсэн гэх мэдээлэл бий.
Төрөөс төрсөн тэрбумтаны хүү Э.Батшугарын гоёл нь цэнхэр өнгийн торгон дээл байлаа.
