Монгол Улсын Ерөнхийлөгч У.Хүрэлсүхийн тангараг өргөх үеэрээ өмссөн хувцасны бэлгэдэл:
МАЛГАЙ
Тэрбээр есөн хөлт цагаан тугийн бэлгэдлийг шингээсэн , монголын ахуй соёлыг харуулсан эмжээр бүхий үндэсний “Говь” брэндийн ноолууран малгайгаар гоёжээ. Нүүдэллэж амьдрахад гайхалтай зохицсон гэр тэргийг малгайд нь мөн дүрсэлсэн байна.
БҮС
Бүсний ар дээр таван өнгийн торгон утсаар өнгө дагнасан гурван давхар зүү ороосон, алтан соёмбыг есөн бадамлянхуа дээр залж, ашид мандан бадрахыг билэгдсэн байна. Бүс нь зургаан өлзийн тоногтой, хамгийн зөөлөн тансаг эд болох торгон утас, хамгийн догшин хатуу эд болох ганг хоршуулан хийсэн нь арга бэлгэдлийн хослолыг илэрхийлжээ.
ГУТАЛ
Ээтэн монгол гутал нь газрын шороог сэндийчэхгүй, ургамал, амьтны аминд хүрэхгүй гэсэн энэрэнгүй үзлийг шингээсэн байдаг байна.
