Цахим наадамыг эсэргүүцсэн жагсаал өнөөдөр Сүхбаатарын талбай дээр олныг хамарч, УОК-ын шийдвэрт нөлөөлж чадсан. Тус комиссоос наадмыг хойшлуулах асуудлыг маргаашийн Засгийн газрын хуралдаанаар хэлэлцүүлэхээр оруулахаа мэдэгдсэн.
Тэгвэл Төв аймгийн Баян сумын уугуул, Монгол Улсын Манлай уяач Пунцагбалжирын Энхмөнх өөрийн цахим хуудаснаа “Yes наадам. Зүгээр байгаарай талбай дээр зогсож байгаа удмаа мэдэхгүй НИНЖА нар минь. Уяач бид босвол морьтойгоо жагсаад ирнэ шүү” хэмээн бичиж байв.
Тэгвэл УОК-ын гаргасан шийдвэрийг эсэргүүцсэн уяачид шөнө дөлөөр хурдан морь унаач хүүхдүүдийг цуглуулж өөрсдийн хүсэл сонирхолоо илэрхийлж, НААДМЫГ ХИЙХИЙГ ДЭМЖИЖ байгаагаа илэрхийлжээ.
Хүүхдийн эрхийг хамгийн их зөрчдөг баярыг Улсын их баяр наадам гэж учир мэдэх хүмүүс судалгаа шинжилгээний үндсэн дээр тайлбарласаар өнөөг хүрсэн. Гэтэл ийнхүү хурдан морь унаач хүүхдүүдийн нэрийг барьж “туг тахиж” байгаа нь харамсалтай.
