Нийтийн дууны ертөнцийн олны анхаарлыг татдаг цөөхөн бүсгүйчүүдийн нэг бол дуучин Э.Чулуунчимэг. Өдгөө 33 насны босго алхсан тэрээр хоёр дахь амьдралаа бөх залуутай эхлүүлж, монгол ёс заншлыг уламжлан авч яваа бүсгүй.
Тэрээр өөрийн уугуул нутаг болох Өвөрхангай аймгийн Тарагт суманд амарч буй бөгөөд олноо “Аав” хайрхан хэмээн алдаршсан Их Авзага хайрханд очиж тахиж шүтжээ.
Түүний шүтээн Их Авзага хайрханыг урд талаас нь харахад биеэ ороогоод хэвтэж байгаа арслан, бар шиг харагддаг. Тус хайрханы яг ард алдарт Аравгар хээр морины их шүтээн байдаг аж.
Тус хайрханы орой дээр нь эмэгтэй хүн гарч болдоггүй догшин хайрхан гэх бөгөөд тус хайрханд дан ганц архи өргөхгүйгээр сүү, цай, идээ өргөдөг заншилтай. Их Авзага хайрхан өөрийгөө шүтдэг ард иргэдээ алс холоос ч маш сайн харж хамгаалдаг гэсэн яриа ард иргэдийн дунд байдаг. Их Авзага хайрханыг тахиж шүтсэн хүмүүсийг Аав шиг харж хамгаалдаг болохооор тэгж нэрлэсэн байж болох юм.
Дуучин бүсгүйн хувь төрсөн аавыгаа одоогоос гурван жилийн өмнө зуурдаар алдсан билээ.
