Матрын арьсаар хийсэн өндөр өсгийт, цүнх тэргүүтнийг Австрали, Японы зах зээлд борлуулж буй О.Оюунцэцэг “OOGII” брэндээрээ алдаршаад буй. Тэрбээр LiteCity нэртэй төсөл хэрэгжүүлж, Монголд бага сургууль барьж байгаа аж.
Энэ талаараа тэрбээр “Олон жил төлөвлөсөн, мөрөөдсөн “Дэлхийн хүн бүтээх” сургууль минь. Дэлхийн аль ч улсад очсон шилдгүүдтэй нь өрсөлдөж чадахуйц “Хүн” бүтээх, зарчим хүмүүжил морал дээр суурилсан боловсрол. Тийм ээ, Австрали Монголын шилдэг хөтөлбөрүүдийг нэгтгэсэн бага сургуулийн ажил маань санаанаас урган, цаасан дээр зурагдан, одоо барилга маань баригдаж эхэллээ. Шилдэг сурагчид маань Австралийн сургуулиудтай сурагч солилцоогоор ирж суралцаад буцдаг, Дэлхийн аль ч улсад очсон бие ээ зөв авч явдаг хүүхэд, иргэд байх юм.
Нүхтэд цэвэр агаарт, модон дунд ирэх есдүгээр 01 нд эхэлнэ (Бэлтгэл анги түрүүлж эхэлнэ). Энэ жил арванхоёрдугаар сараас бүртгэлээ авна. Нийт 100 хүүхэдтэй бага сургууль юм. Ахлах сургууль 2025 онд ашиглалтад орно. Манайд явсан бүх хүүхэд завсардахгүйгээр үргэлжлүүлээд сурна” хэмээн бичжээ.
