Монголын морин спорт уяачдын холбооны түүхэнд үнэтэй хувь нэмэр оруулснаараа мөнхөрсөн Г.Пунцагбалжир агсны удам залгах ганц хүү П.Энхмөнх начин цолтой, алдарт уяач.
Тэрээр бизнесийн талбарт ажиллаж “Мон-Эрдэнэ” компаниа толгойлох болсоор удаж байгаа. П.Энмөнх 2011 онд “Чингис” зочид буудлын түүхэнд байгаагүй хөрөнгө бэл заасан, өндөр өртөгтэй хуримын захиалга өгч, 350 зочин урьж, олны хэлдгээр нижгэр хурим хийсэн. Эхнэр нь Г.Урангоо гэж бүсгүй бий.
Анх хуримаа хийж байх үеэрээ П.Энхмөнх “Арван хүүхэдтэй болно” гэж ярилцлага өгч байлаа. П.Энхмөнх амласнаараа 10 хүүхэдтэй болоогүй ч, энэ цагийн залуус дотроо олон хүүхэдтэйд тооцогдох өнөр бүл болжээ. Тэд саяхан дөрөвдэх хүүхдээ өлгийдсөн.
