Монголын хамгийн залуу, царайлаг гэгээнтэн гэгддэг Наро Банчэн гэгээнтэн лам нартайгаа өнөөдрөөс ном хурж, гадаалж эхэлжээ.
Уг нь цар тахлын улмаас нийтийн бэлэн байдлын зэргийг үе шаттайгаар бууруулж байгаа ч сүм хийдүүдийн үйл ажиллагааг нээгээгүй байгаа. Халдвар тархах эрсдэлтэй салбарын жагсаалтад шашны сүм хийдүүд багтсан.
Гэвч төр засгийн гаргасан шийдвэр эрхэм гэгээнтэнд нөлөөлдөггүй бололтой. Лам нарыг олон тоогоор нэг дор цуглуулж, сүсэгтэн олныг даган баясахыг уриалав.
Бусад гандан, шашны сүм хийдүүд иргэд, сүсэгтэн олныг хүлээж авахгүйгээр үйл ажиллагаагаа цахимд шилжүүлээд буй юм.
