Улс үндэстнийхээ өмнө онцгой гавьяа байгуулсан алдартанд олгодог “Чингис Хаан” одонг хүртсэн цөөхөн хүний нэг, дуурийн дуулаач Ганбаатарын Ариунбаатар.
Тэрбээр ОХУ-ын Марийнскийн театрт дуулдаг бөгөөд амралтаараа эх орондоо ирэн очин байдаг. Тэгвэл тэрээр өөрийн цахим хуудаснаа сэтгэлийн үгээ дэлгэж, талархалаа илэрхийлсэн байна. Тэрээр “Би хязгааргүй мөрөөддөг, түүндээ хүрэх жимийг олсон.
Бага багаар зогсолтгүй зүтгэсээр л байна. Адармаатай ч Амттай гэж… миний энэ аялал. . Алдаа,Оноог минь дэнсэлж , нүдгүй мэт тэмтэрч тэнэгтхийг минь өршөөж үргэлжид хажууд байдаг бас байсан бүгдэд Талархаж явдаг даа. Миний энэ аялалд ерөөл өргөж, үргэлжид дэмжиж, итгэл үзүүлж байдаг та нартаа их л гялайх юм даа. Атаа хорсол байж гэмээнэ, уучлал өршөөл байдаг байх, ээдээ аль болох Гэгээн байна шүү бүгдээрээ” гэжээ.
М.И.Глинкийн нэрэмжит олон улсын дуулаачдын уралдаан, П.И.Чайковскийн нэрэмжит олон улсын мэргэжлийн дуурийн дуулаачдын уралдаан, BBC Cardiff Singer of the World зэрэг дуурийн дуулаачдын чадал чансааг шалгадаг дэлхийн топ тэмцээнүүдэд өндөр амжилт үзүүлж байсан тэрээр ердөө 23 насандаа Монгол Улсын Гавьяат Жүжигчин болж байсан.
Хувийн амьдралынх нь тухайд хэд хэдэн бүсгүйтэй нэр холбогдож байсан.
Албан ёсны эхнэр Туяагаасаа салсан даруйдаа жүжигчин Б.Баярмаатай гэр бүл болж, дахин хоёр хүү дундаасаа төрүүлсэн.
