Найруулагч Ц.Хүсэлбаатар, жүжигчин С.Өлзийхүү нарын охин, мисс, жүжигчин Х.Баярмааг танихгүй хүн ховор. Тэрээр одоогоос 10-аад жилийн өмнө Miss World тэмцээнд эх орноо төлөөлөн амжилттай оролцож явсан.
Өдгөө 20 насыг хол давсан тэрээр гэр бүл зохиох гэж яарахгүй байгаагаа илэрхийлдэг. Нуруулаг царайлаг залууг сонгохоос илүү амьдралд хайртай, өөрийн гэсэн философитой залууд татагддаг гэдгээ нуудаггүй. Тэрээр жүжиглэхээс гадна сайхан дуулдаг, бас бүжиглэдэг. Энэ тухайгаа “Би багаасаа л юм юм сонирхож, өөрийгөө сорих дуртай хүүхэд байсан. Урлагийн гэр бүлд төрж, өссөн маань нөлөөлдөг байх.
12 настайгаасаа бүжгээр хичээллэж эхэлсэн. Дууны тухайд багаасаа л дуулах дуртай. Жүжигчин хүн бүр өөрийн гэсэн богцтой байдаг гэж боддог. Түүнийгээ хэн илүү олон, сайн зүйлсээр дүүргэнэ, тэр хэрээр уран бүтээл нь баялаг, чанартай байдаг болов уу. Тиймээс өөрийнхөө богцыг сайн сайхан зүйлээр дүүргэхийг хичээдэг” хэмээн хэвлэлд ярьж байсан удаатай
