Австрали улсад бизнесийн салбарт тун амжилттай яваа нэгэн бүсгүйг урилаа. Тэр бол өөрийн нэрийн Oogii брэндийг үүсгэн байгуулж, матрын арьсаар хийсэн гоёмсог чамин өндөр өсгийт, цүнх тэргүүтнийг Австрали, Японы зах зээлд борлуулж буй О.Оюунцэцэг юм.
Тэрээр насны ханиараа Австралийн нөлөө бүхий улс төрч бүсгүйг сонгож, хоёр дахь үрийн зулайгаа удахгүй үнэрлэх гэж буй. Түүний сонголтод зарим хүмүүс таагүй байгаагаа илэрхийлж, үг хаях болсонд Оогий бүсгүй ихээхэн бухимдалтай байгаагаа илэрхийлжээ. Тэрээр “Хүү бид хоёрын өнөөдрийг хүртэл туулсан бүхнийг хүндэтгээд бид хоёроос хол бай. Та нарын хэний чинь ч өмнө өргүй. Хэдэн мянган жилийн дараа гарч ирж хамаатай болох гээд байх хэрэггүй” гэжээ.
