Хошин урлагийн “Маск” хамтлагийн жүжигчин М.Баярмагнай энэ жил 43 настай. Өндөр нуруу, өргөн цээж, хошин мэдрэмжээрээ үеийнхнээсээ онцгойрдог тэрээр “Нийслэл хүүхэн” цуврал кинонд аавын дүр бүтээдэг.
Баянхонгор аймгийн харъяат тэрээр айлын том хүү бөгөөд гэрийнхэн нь Монхой хэмээн хочилдог. Харин найзууд нь “боорцог Магнай”, “Наадам дух” зэргээр хочлон дууддаг аж. Өөрийгөө хэзээ ч Ромеод тоглохгүй гэж боддог түүнийг фен бүсгүйчүүд нь сайхан залуу хэмээн дүгнэдэг. Тэрээр дөнгөж сургууль төгссөнийхөө дараа УЭДТ-д ажиллаж байсан ч сардаа 23 мянган төгрөг авдаг байсан учраас хошин урлаг руу “урваж” Өнгөт инээд хамтлагт тоглож эхэлжээ. Тэрээр дунд сургуульд байхдаа УИХ-ын экс гишүүний охинтой үерхэж байсан бол оюутан байхдаа монголын мисс Шүрэнчимэгтэй үерхэж байсан гэдэг “зартай” эр.
