Жүжигчин Ш.Жавхлан
Жүжигчин Ш.Жавхлан хошин урлагийн “Маск продакш”-нд олон жил ажиллаж байгаа.
Тэрээр оюутан ахуй насандаа жүжигчин, дуу оруулагч Н.Ялалттай анхны амьдралаа эхлүүлж байжээ. Хөөрхөн нүд, эгдүүтэй инээдээрээ үзэгчдийн танил болсон Ш.Жавхлан хөөрхөн хүүтэй болсон ч жүжигчин залуутай удаан хамт амьдраагүй гэдэг. Харин хүүгээ байнга аавтай нь уулзуулж, холбоотой байлгадаг жүжигчин бүсгүй өнгөрсөн жилээс хоёр дахь амьдралаа зохиосон.
Дуучин Эрдэнэтунгалаг
Нэгэн цагт Улсын начин Сэр-Одтой амьдрал холбож явсан дуучин бүсгүй мөн л амьдралаа хоёр тийш болгож, охинтойгоо үлдсэн. Анхны нөхөртөө зориулан “Хайрлаарай” хэмээх дуу дуулсан нь хайр сэтгэлийн шархаа дуу болгосон гэдэг. Хосуудын хамтын амьдрал төдийлөн удаан үргэлжлээгүй ч хөөрхөн охины аав, ээж болсон тэд хэвлэлээр багагүй “дайтсан” ч тэгсхийгээд хоёр тийш болцгоосон. Харин тэрээр хэдэн жилийн өмнөөс үе тэнгийн энгийн даруухан залуутай амьдралаа холбон, бизнес улс төрийг хослуулан яваа.
Модель Т.Туяамаа
Модель Т.Туяамаа эрчүүдтэй нэр холбогдож яваагүй тэрбээр Төр-Энх гэх залуутай үерхэж, сүйн бөгж аван охиноо төрүүлсэн. Гэвч амьдрал санаснаар болсонгүй охиноо ой хүрээгүй байхад ганц бие ээж болсон тэрээр өнгөрсөн жилээс дахин нэгэн монгол залуутай амьдрал зохиож, охиноо “бүрэн бүтэн” өсгөхөөр шийдсэн.
“Хөөрхөн” Б. Тэмүүлэн
“Итгэл” киноны гол дүрээр нь хүмүүс Б.Тэмүүлэнг ихээр таних болсон. Монголжуу царайтай үзэсгэлэнтэй энэ бүсгүй “Ньюс” агентлагийн гүйцэтгэх захирал Г.Анархүүтэй амьдралаа холбон хөөрхөн охинтой болсон билээ. Гэсэн хэдий ч залуу хосууд өдгөө тус тусынхаа амьдралыг хөөж байгаа юм. Амьдралдаа цэг тавьсан ч гэсэн охиныхоо аавтай сайхан харилцаатай байдаг гэдгээ инстаграм хуудсаараа дамжуулан хамт авахуулсан зургуудаараа нотолдог билээ. Тэрээр Г.Анархүүгээс салаа д жилийн дараагаас одоогийн нөхөртэйгөө танилцаж, дундаасаа хүүтэй болсон. Хүү нь энэ жил 2 нас хүрч буй.
Бүжигчин М. Бямбаа
“Зэрлэг цэцэгсийн хүлэмж” киноны биеэ үнэлэгч “Яргуй” бүсгүйн дүрийг бүтээж олноо танигдаж байсан бүжигчин М.Бямбааг өдгөө танихгүй хүн үгүй биз ээ. Тэрээр бас л урлагийн өрх толгойлсон ээжүүдийн нэг явсан. Харин өнгөрсөн 2019 онд нэгэн уран бүтээлч залуутай сүр дуулиантай хурим хийж, удаах үрийн зулайгаа үнэрлээд дүүрэн жаргалтай яваа.
Дуучин Алтантүлхүүр
Малчин түмний дуучин гэдгээр олонд танигдсан Алтантүлхүүр гурван хүүгээ дахин шинэ “аавтай” болгосон. Түүний анхны нөхөр Өвөрмонголын залуу дуучин Анар гэгч бүсгүйтэй араа р тавьж, улмаар үр хүүхэдтэй болсноор дуучин бүсгүй өмнөх амьдралдаа цэг тавьсан гэдэг. Тэрээр ганц бие ээжийн амьдралаар гурван жил хэртэй амьдарч улмаар үе тэнгийн цэргийн залуутай гэр бүл болж, хэдхэн хоногийн өмнө “Алдарт эх”-ийн болзол хангаад буй.
