Саяхан сошиал хуудаснаа автомашин ачилтын ажилтныг элдвээр хэлж шуугиан тарьж явсан дуучин С.Зоригт аав болоод удаагүй байгаа.
Анхны хүүхдээ 30 насандаа тэвэрсэн тэрээр нэлээд хайнга аав бололтой. Өөрийн цахим хуудаснаа гэрийн хувцастай оронд дээр хэвтээд хүүгээ харж асарч байгаа зургаа нийтлэжээ.
Дуучин С.Зоригтыг талаар сонирхуулахад, тэрээр Дархан-Уул аймгийн Зулзагын гол гэдэг газар 1990 онд төржээ.
Багаасаа дуулах дуртай, урлагт хайртай байсан тэрбээр СУИС-ийн дуулаачийн ангийг МУГЖ Ч.Насантогтох багшийн удирдлага дор төгссөн юм. Хичээлийнхээ хажуугаар дуу бичлэгийн студид ажилладаг завгүй оюутан байсан ч их сургуулиа төгсөхдөө таван дуу, таван клиптэй болсон нь түүний хөдөлмөрч занг илтгэнэ. Энэ тухай тэрбээр “Зорьсон зорилгодоо тууштай байх хэрэгтэй. Яг үнэнийг хэлэхэд сайн уран бүтээл маш их хөдөлмөрлөсний үр дүнд төрдөг. Нэг уран бүтээл гаргаад тэр нь шууд амжилтад хүрдэг тохиолдол бараг байхгүй. Би анхныхаа хит дууг гаргахын өмнө олон дуу бүтээсэн. Бүгд болохгүй байсан. Алдаа болсон. Маш их хөдөлмөр, хичээл зүтгэлийн ард нэг хит дуу гаргаад дараа дараагийн дуунуудыг минь хүмүүс сонсож эхэлж байлаа. Уран бүтээл гэлтгүй бүх салбарт тийм байдаг. Маш олон алдаа дундаас нэг зүйлийг зулгааж авч чадсан нь амжилтад хүрдэг” хэмээн хэвлэлд ярьжээ.
Дуулахаас гадна тэрбээр хэд хэдэн дэлгэцийн уран бүтээлд тоглосон. Хамгийн анх “Франц үнсэлт” кинонд туслах дүр бүтээснээр дэлгэцнээ гарч байв. Энэ талаар “Ер нь жүжиглэх дуртай, энэ мэргэжилд хайртай. Миний мөрөөдөл өдөр бүр л өөрчлөгдөж байна. Хүн амьдралд шуналтай байх хэрэгтэй. Энэ шуналыг зөөлрүүлж хэлбэл мөрөөдөл юм даа. Хүүхэд байхдаа урлагийн хүн болохыг мөрөөддөг байлаа. Ямар ч байсан уран бүтээлээ туурвиад явж байна. Өөр олон сайхан мөрөөдөл сэтгэл дотор минь бий” хэмээн ярьсан байна.
