Дөрөвхөн насандаа буюу 2016 онд “Авьяаслаг монголчууд” шоунд оролцож бяцхан чонын дүр бүтээж байсан Энжи буюу А.Эрдэнэцэцэг өдгөө олны танил өсвөр насны охин болжээ.
Түүнийг мэдэхгүй, танихгүй бяцхан жаалууд ховорхон.
Эгдүүтэй хөөрхөн төрхтэй тэрээр өөрийнхөө донжинд тааруулж уран бүтээлийг “үйлдвэрлэх” шиг болдог. 
Гаргасан дуу бүхэн нь хүүхдүүдийн дунд хит болдог тэрээр анх дуучин Э.Чулуунчимэгийн “Зүгээр л инээмсэглэ” дууг олон нийтэд хүргэж, жинхэнэ хит болгож чадсан авьяаслаг нэгэн.
Дуулахаас гадна шаггүй жүжиглэх авьяастай гэдгээ “Гэр дүүрэн охид” телевизийн олон ангит кинонд тоглон харуулаад авсан юм.
Өөрөө ч оролдлого сайтай тэрээр орлого сайтай уран бүтээлчдийн нэг. Учир нь сүүлийн үед эцэг эхчүүд Энжигүйгээр хүүхдийнхээ төрсөн өдөр, үсний найрыг хийхээ больсон байна лээ.
