Хувийн уран бүтээлээрээ дуучин Т.Баясгаланг санагдуулам донж, хоолойтой гарч ирэн олонд анх танигдаж байсан дуучин Э.Чулуунчимэг өдгөө хэдийнээ монголчуудын хайртай дуучдын нэг болжээ.
“Бүх зүйлд чин сэтгэлээсээ ханддаг маань миний алдаа байсан” хэмээн өгүүлж байсан тэрбээр хувийн амьдралаараа жинхэнэ сенсацийг тарьж, хэдэн жил үргэлжлэх дуулиан шуугианыг тарьж амжсан. Өдгөө 30 насны босго алхсан дуучин бүсгүйг бид энэ удаад онцолж байна.
Дуучин Э.Чулуунчимэгийн хувьд Үндэсний их баяр наадмын нээлтэд ая дуугаа өргөсөн нь өөрийгөө нийтийн дууны бусад дуучдаас онцгой, илүү ур чадвартай, олны хайртай дуучин гэдгийг илэрхийлсэн гэхэд болно. 
Учир нь хэр баргийн нийтийн дуучин баяр наадмын нээлтэд оролцож, ая дуугаа өргөдөггүй билээ.
Дуучин бүсгүйн хувьд өдгөө ээж охины хамт амьдардаг гэх. Улсын начин Цэрэнтогтохтой хамтын амьдралаа эхлүүлснээ зарласан ч, өдгөө харилцаагаа илүү ихээр нууцлах болсон юм.
