Цэрэгт татагдсан 19 настай залуу долоо хоногийн дараа цэргийн ангидаа нас барсан хэрэг гарчээ.
Тодруулбал, тус цэрэг Баян-Өлгий аймгийн 0165 дугаар ангид энэ сарын 5-ны өдөр Буянт сумаас татагдсан байна. Цэргийн ангидаа нас барсан талаарх дуудлага мэдээллийг цагдаагийн байгууллага өнөөдөр бүртгэжээ.
Тухайн цэрэг ямар шалтгааны улмаас нас барсан нь тодорхойгүй байна. Шүүх эмнэлгийн задлан шинжилгээний хариу гараагүй ажээ. Мөрдлөгийн ажлыг харьяа хэсгийн цагдаагийн газарт үргэлжлүүлэн шалгаж байна.
