МАН-ын дотоод “алалцаан”-ы улмаас улс төрөөс арчигдсан хүмүүсийн нэг бол М.Энхболд. Харин тэрбээр улс төрд эргэн ирэхдээ хүү, охиноо далдуур дэмжсээр байгаа нь нууц биш.
Тэрбээр хүүгээ Монголбанкны дэд ерөнхийлөгч болгохоор санаархаж байгаа. Харин түүний охин НИТХ-д төлөөлөгчөөр сууж нийслэлийн хөгжилд чухам сэтгэл юугаа чилээж байгаа.
М.Энхболдын Э.Хулан улс төрд аавынхаа нөлөөгөөр намаар дамжин орж ирсэн бөгөөд өдгөө
1. Олон улсын худалдаа, логистикийн төв
2. Улаанбаатар спорт менежмент
3. Нийслэлийн хөрөнгө оруулалтын газрын удирдлагын багт ажиллаж байгаа.
Өөрөөр хэлбэл гурван НИТХ-ын төлөөлөгчөөсөө гадна гурван давхар дээлтэй.
Түүний хувьд уг гурван газраасаа нийлээд цалин, урамшуулал гэж сард ДӨВРӨН сая орчим төгрөг авдаг байна.
Тодруулбал, Олон улсын худалдаа, логистикийн төвийн удирдлагын баг зургаан хүнтэй бөгөөд тэд өнгөрсөн онд цалин, урамшуулал гэж 166 320 000 төгрөг авсан гэхээр Э.Хулан тус байгууллагаас сард дунджаар 2 310 000 төгрөг авдаг болж таарах нь.
Улаанбаатар спорт менежмент удирдлагын багтаа зургаан хүнтэй бөгөөд өнгөрсөн онд удирдлагын баг цалин урамшуулал гэж 80 160 000 төгрөг авсан байна. Э.Хулан энэ байгууллагаас сард дунджаар 1 113 333 төгрөг авдаг болж таарч байгаа юм.
Нийслэлийн хөрөнгө оруулалтын газрын удирдлагын багт ажиллаж байгаа ч цалин санхүүгийн мэдээлэл нь хязгаарлагдмал байгаа юм. Хотын шинэхэн даргын элж байгаагаар 300 000- 400 000 төгрөг авдаг гэвэл сард тэрбээр ДӨРВӨН сая орчим төгрөг цалин авдаг болж таарч байна.
Түүний ХОМ-ийг харахад малын тоо толгой нь буурч, газрынх нь тоо буурч, ганц нэг хандив авсан шигээ л амьдарч байгаа гэх мэдээлэл байна.
Улс төрч аавтай, тосонд умбаж, торгонд хөлбөрч өссөн бүсгүй гурван давхар дээлтэй бөгөөд ямар ч зээлгүй баян бүсгүй ажээ.
