Дуу хуурын өлгий нутаг Дундговийн охин Боржигоны Наранцогт бүсгүйг монголын ард түмэн дэгжин ганган төрх, уянгалаг яруу хоолойгоор нь андахгүй мэднэ. “Хөгжмийн эгшиг”, “Ижий хань”, “Дөрвөн улирал” гээд монголын ард түмний дуртай хуучны уран бүтээлүүдийг тэрээр шинэчлэн дуулсан.
Түүний хамгийн сүүлийн шинэ уран бүтээл бүсгүй ертөнцийн гэрэл гэгээ, хүсэл тэмүүлэл, бардамнал бахархалыг харуулсан “Би хүүхэн юмаа” дуугаа гаргажээ.
Дууг тайвшрал хэмээн боддог тэрээр Ардын жүжигчин Ц.Батчулууны шүлэг, Б.Төмөрхүүгийн хөгжим “Хөгжмийн эгшиг” дуугаараа нэрлэсэн уран бүтээлийн тоглолтоо хүргэхээр болжээ. Хуучны дуунуудыг сэргээн дуулах хүндтэй үүргийг нэр төртэйгээр өргөж яваа түүний тоглолт 2023 оны 10-р сарын 26-нд УБ паласын их танхимд болохоор товоо гаргажээ.
Тоглолтын ерөнхий зохион байгуулагчаар “Хишиг” продакшн ажиллаж байгаа гэнэ. Өөрийгөө эвдэн өөр өөр өнгө, жанраар дуулж буй дуучин бүсгүйн “Хөгжмийн эгшиг”-т саатахыг уръя.
Дуучин Б.Наранцогт “Хөгжмийн эгшиг”-ээр уяраана
By Эрхэм админ
